27 de Abril de 2024
- Galego
- Castellano
En vídeo
.
En fotos
Novas
11.12.2015
O alcalde focense fai un balance moi positivo da reunión mantida onte pola comisión de seguimento para avanzar na tramitación do Plan Xeral de Ordenación Municipal.
O rexedor asegura que Foz é un exemplo de participación cidadá na elaboración dun PXOM en Galicia.
Ribadeo, 11 de decembro de 2015.- O alcalde de Foz, Javier Jorge Castiñeira, amosouse moi satisfeito logo da reunión mantida onte pola comisión de seguimento do Plan Xeral de Ordenación Municipal de Foz (PXOM). O rexedor asegura que esta tramitación está a ser un exemplo de participación cidadá e conta poder levar a pleno a súa aprobación provisional en xaneiro de 2016.
“No día de onte tivemos unha reunión de vital importancia, dentro dos asuntos importantes do noso Concello, como foi a xuntanza da comisión de seguimento do Plan Xeral de Ordenación Municipal e a reunión cos portavoces, cos redactores e con técnicos municipais. A valoración final é tremendamente boa, porque o resultado é que temos un documento técnico encima da mesa que cumpre perfectamente as condicións que nos piden todas as administracións, que pasou o filtro de todos os informes sectoriais das máis de 22 administracións que informaron este plan, que cumpre tamén a maior parte das expectativas pronunciadas polos representantes veciñais. Están resoltas tamén as diferentes alegacións propostas en 2013. É un plan moi matizado polos veciños, polos grupos municipais, polas administracións, un plan que creo que cumpre perfectamente as expectativas e a valoración dos alí presentes, primeiramente dos propios redactores. Hai un ambiente bo, estamos preparados todos para aprobar este plan e a corporación está aberta a traballar sobre el. Nestes días tamén propuxemos diferentes reunións para que os portavoces e os grupos de traballo poidan informarse polos técnicos municipais e tamén polos redactores”, explicou o alcalde.
Castiñeira engadiu que “os grupos de traballo están agradecidos ao traballos dos técnicos e redactores, que tiveron a máxima paciencia. Creo que o caso de Foz é un exemplo único en Galicia de participación cidadá na elaboración do seu Plan Xeral e así o recoñeceron os veciños. Quedouse en concretar datas xa para a súa aprobación definitiva, datas para esas reunións particulares entre os grupos políticos e os técnicos e tamén os representantes veciñais cos técnicos municipais. E, con iso, está previsto que ao pleno ordinario do mes de xaneiro poda ir xa a aprobación provisional deste documento. Polo tanto, facemos unha valoración moi satisfactoria e a damos os parabéns por parte do goberno aos portavoces municipais por abordar este tema coa seriedade coa que o están facendo e aos grupos de traballo que participaron e que seguen tendo a inquietude de continuar tendo influencia na elaboración do Plan Xeral de Ordenación Municipal de Foz. Esperamos que estea aprobado provisionalmente no mes de xaneiro, antes de que entre en vigor a nova Lei de Ordenación Urbana da Xunta de Galicia, esta modificación que está en trámite parlamentario. A aprobación provisional daríanos moitos dereitos para que logo este plan non tivera que modificarse unha vez se aprobe esta nova lei promovida pola Xunta de Galicia”.
“No día de onte tivemos unha reunión de vital importancia, dentro dos asuntos importantes do noso Concello, como foi a xuntanza da comisión de seguimento do Plan Xeral de Ordenación Municipal e a reunión cos portavoces, cos redactores e con técnicos municipais. A valoración final é tremendamente boa, porque o resultado é que temos un documento técnico encima da mesa que cumpre perfectamente as condicións que nos piden todas as administracións, que pasou o filtro de todos os informes sectoriais das máis de 22 administracións que informaron este plan, que cumpre tamén a maior parte das expectativas pronunciadas polos representantes veciñais. Están resoltas tamén as diferentes alegacións propostas en 2013. É un plan moi matizado polos veciños, polos grupos municipais, polas administracións, un plan que creo que cumpre perfectamente as expectativas e a valoración dos alí presentes, primeiramente dos propios redactores. Hai un ambiente bo, estamos preparados todos para aprobar este plan e a corporación está aberta a traballar sobre el. Nestes días tamén propuxemos diferentes reunións para que os portavoces e os grupos de traballo poidan informarse polos técnicos municipais e tamén polos redactores”, explicou o alcalde.
Castiñeira engadiu que “os grupos de traballo están agradecidos ao traballos dos técnicos e redactores, que tiveron a máxima paciencia. Creo que o caso de Foz é un exemplo único en Galicia de participación cidadá na elaboración do seu Plan Xeral e así o recoñeceron os veciños. Quedouse en concretar datas xa para a súa aprobación definitiva, datas para esas reunións particulares entre os grupos políticos e os técnicos e tamén os representantes veciñais cos técnicos municipais. E, con iso, está previsto que ao pleno ordinario do mes de xaneiro poda ir xa a aprobación provisional deste documento. Polo tanto, facemos unha valoración moi satisfactoria e a damos os parabéns por parte do goberno aos portavoces municipais por abordar este tema coa seriedade coa que o están facendo e aos grupos de traballo que participaron e que seguen tendo a inquietude de continuar tendo influencia na elaboración do Plan Xeral de Ordenación Municipal de Foz. Esperamos que estea aprobado provisionalmente no mes de xaneiro, antes de que entre en vigor a nova Lei de Ordenación Urbana da Xunta de Galicia, esta modificación que está en trámite parlamentario. A aprobación provisional daríanos moitos dereitos para que logo este plan non tivera que modificarse unha vez se aprobe esta nova lei promovida pola Xunta de Galicia”.
© 2024 PP de Foz