19 de Setembro de 2018

En vídeoEn vídeo

.

Novas

03.04.2013

Javier Jorge Castiñeira, reuniuse hoxe cos representantes dos traballadores municipais para presentarlles a proposta de orzamento para este ano 2013

O alcalde de Foz comunicou aos representantes dos traballadores que acepta incluir no orzamento deste ano a parte contemplada na RPT aprobada en 2009. Castiñeira aclara que tomou esta decisión porque así o esixe a oposición e para buscar o consenso unánime de todos os grupos da corporación.

Recomendar Imprimir Atrás

3.0/5 [68 Voto/s]

Foz, 3 de abril de 2013.-  O alcalde de Foz, o popular Javier Jorge Castiñeira, reuniuse hoxe cos representantes dos traballadores municipais para presentarlles a proposta de orzamento para este ano 2013 elaborada polo goberno local. O rexedor valora positivamente o visto bo dos representantes sindicais e dos traballadores aos orzamentos propostos e deixou claro que “tratou de acceder ás pretensións máis importantes realizadas pola oposición, unha vez visto o resultado das últimas reunións cos portavoces, nas que dixeron que non había outra posibilidade de negociación que non pasase pola aplicación da suba da RPT aprobada polo pleno no ano 2009 e dun plan de emprego municipal”.

Castiñeira quixo aclarar que “este ano toca aplicar o 30 por cento da cantidade pactada de suba no ano 2009, que non debe confundirse co 30 por cento do salario. É unha suba xa programada en 2009 na que os traballadores accederon a que fose de forma gradual en diferentes anualidades, e este ano toca o 30 por cento desa cantidade pactada”.

O alcalde explicou aos representantes sindicais a situación económica do Concello, que “é complexa posto que a oposición non aprobou o plan de pago a provedores  e polo tanto este é o ano de máximo esforzo económico. Hai un problema de liquidez importante e un compromiso cos provedores e o cambio de postura do alcalde obedece simple e llanamente a atender as pretensións que a oposición lle estableceu como mínimas para aprobar os orzamentos, pero o grupo de goberno segue pensando o mesmo que a primeiros de ano respecto a que non procede, dada a delicada situación económica do Concello, a citada aplicación da RPT. Do mesmo xeito fixo co plan de emprego, que era outro dos requisitos da oposición cos que o grupo de goberno discrepaba e do que nunca foi partidario”.

Castiñeira engadiu que “esas son as dúas enmendas máis importantes que fixeron os grupos da oposición á proposta inicial do goberno e polo tanto non hai outra que acceder para poder aprobalos. Este equipo de goberno entende que sempre son mellores uns orzamentos actualizados, aínda que non sexan os que máis nos gusten, que uns orzamentos prorrogados, sobre todo nun ano difícil economicamente”.

O rexedor municipal tamén comentou que “as condicións laborais non se modifican para nada, seguen co obxectivo que había inicialmente no ano 2009. E os representantes dos traballadores non poñen ningún tipo de inconveniente á proposta de orzamentos do alcalde, que si lles pide un esforzo para tratar de rentabilizar ao máximo o material, as ferramentas, maquinaria e medios usados, porque este ano é complexo e necesítase tamén a colaboración dos empregados, da cal o alcalde non dubida nunca, para tratar de buscar o máximo aforro posible e a eficacia nos traballos”.

E rematou explicando que “unha vez feita esta xunta de persoal agora os orzamentos trataranse por parte de todos os grupos municipais na comisión de pleno que está convocada para mañá, xoves, ás oito e media da tarde. E o día 11 deste mes será a sesión plenaria da corporación na que se sometarán a votación estes orzamentos”.
Engadir a Twitter Engadir a Facebook

© 2018 PP de Foz